நீங்கள் தேடியது "வயநாடு தொகுதி"

திருவனந்தபுரம்:

கேரளாவின் வயநாடு தொகுதியில் முதல் முறையாக காங்கிரஸ் கட்சி தலைவர் ராகுல்காந்தி போட்டியிட்டார். இத்தொகுதியின் தபால் ஓட்டுக்கள் எண்ணப்பட்டபோது ஆரம்பத்தில் இருந்தே ராகுல்காந்தி அதிக வாக்குகள் பெற்று முன்னிலையில் இருந்தார்.


பாரதிய ஜனதா கூட்டணி சார்பில் இங்கு போட்டியிட்ட துஷார் வெள்ளாப்பள்ளி 1 லட்சத்து 64 ஆயிரத்து 69 வாக்குகள் மட்டுமே பெற்று 3-வது இடத்திற்கு தள்ளப்பட்டுள்ளார்.

திருவனந்தபுரம்:

கேரளாவின் வயநாடு தொகுதியில் முதல்முறையாக காங்கிரஸ் கட்சி தலைவர் ராகுல்காந்தி போட்டியிட்டார். இத்தொகுதியின் தபால் ஓட்டுக்கள் எண்ணப்பட்டபோது ஆரம்பம் முதலே ராகுல்காந்தி அதிக வாக்குகள் பெற்று முன்னிலையில் இருந்தார்.

காலை 11 மணி நிலவரப்படி ராகுல்காந்தி ஒரு லட்சத்து 17 ஆயிரம் வாக்குகள் அதிகம் பெற்று முன்னணியில் இருந்தார்.


பா.ஜனதா கூட்டணி சார்பில் இங்கு போட்டியிட்ட துஷார் வெள்ளாப்பள்ளி 20 ஆயிரம் வாக்குகள் மட்டுமே பெற்று 3-வது இடத்திற்கு தள்ளப்பட்டார்.

வயநாடு:

காங்கிரஸ் தலைவர் ராகுல் காந்தி, உத்தரபிரதேச மாநிலம் அமேதியுடன் கேரள மாநிலம் வயநாடு தொகுதியிலும் போட்டியிடுகிறார். 2 நாள் தேர்தல் பிரசாரத்துக்காக, அவர் கேரளாவுக்கு சென்றுள்ளார்.

இந்நிலையில், நேற்று வயநாடு அருகே உள்ள திருநெல்லி கோவிலுக்கு சென்றார். அடர்ந்த காட்டுக்குள் இருக்கும் இந்த மகா விஷ்ணு கோவில், ‘தென்னாட்டு காசி’ என்று அழைக்கப்படுகிறது.

ஹெலிகாப்டர் மூலம் ராகுல் காந்தி அங்கு சென்றார். அவருடன் மாநில காங்கிரஸ் தலைவர் முள்ளபள்ளி ராமச்சந்திரன், அகில இந்திய காங்கிரஸ் பொதுச்செயலாளர் கே.சி.வேணுகோபால் உள்ளிட்டோர் சென்றனர்.

ராகுல் காந்தி, பாரம்பரிய முறையில் வேட்டி அணிந்து, மேலே பட்டு சால்வை போர்த்தி இருந்தார்.

கோவிலில் ராகுல் காந்தி வழிபட்டார். கருவறை முன்பு தரையில் விழுந்து கும்பிட்டார். கோவிலின் பாரம்பரியம் மற்றும் வழிபாட்டு முறைகள் குறித்து அங்கிருந்த அர்ச்சகரிடம் கேட்டறிந்தார். உண்டியலில் காணிக்கை செலுத்தினார்.

பின்னர், ராகுல் காந்தி, கோவிலில் இருந்து 700 மீட்டர் தொலைவில் உள்ள பாபநாசினி என்ற நீரோடைக்கு புறப்பட்டார். அந்த பாதை, பெரிய பாறைகள் நிறைந்தும், கரடு முரடாகவும் உள்ளது. செருப்பு அணியாமல் வெறுங்காலுடன் அந்த பாதையில் ராகுல் காந்தி நடந்து சென்றார். அது, மாவோயிஸ்டுகள் ஆதிக்கம் நிறைந்த பகுதி என்பதால், பாதுகாப்பு அதிகாரிகள் மிகுந்த விழிப்புடன் அழைத்துச்சென்றனர்.

பாபநாசினி நீரோடை, 28 ஆண்டுகளுக்கு முன்பு, முன்னாள் பிரதமர் ராஜீவ் காந்தியின் அஸ்தி கரைக்கப்பட்ட இடமாகும். அந்த நீரோடையில், தந்தையின் நினைவாக ‘பலி தர்ப்பணம்’ என்ற சடங்கை ராகுல் காந்தி செய்தார்.

வேத விற்பன்னர்கள் சொல்வதை கூர்ந்து கவனித்து அதுபோல் செய்தார். தன் பாட்டி இந்திரா காந்தி நினைவாகவும், புல்வாமா தாக்குதலில் பலியான ரிசர்வ் படை போலீசாரின் நினைவாகவும், இதுவரை உயிரிழந்த லட்சக்கணக்கான தொண்டர்கள் நினைவாகவும் அவர் சடங்குகளை செய்தார்.

பின்னர், கட்சி கூட்டத்தில் பங்கேற்பதற்காக சுல்தான் பத்தேரி என்ற இடத்துக்கு ராகுல் காந்தி புறப்பட்டு சென்றார்.

இந்த சடங்கு குறித்து முன்னாள் முதல்-மந்திரி உம்மன் சாண்டி கூறுகையில், “வயநாட்டில் கடந்த 4-ந்தேதி வேட்புமனு தாக்கல் செய்ய வந்தபோதே இந்த சடங்குகளை செய்ய ராகுல் காந்தி விரும்பினார். ஆனால், பாதுகாப்பு காரணங்களுக்காக அப்போது செய்ய முடியவில்லை. அதைத்தான் இப்போது செய்துள்ளார்” என்று கூறினார்.

இதுபற்றி ராகுல் காந்தி, தனது ‘டுவிட்டர்’ பக்கத்தில் பதிவு செய்துள்ளார். அதில், “வயநாட்டில் திருநெல்லி கோவிலுக்கு சென்றேன். அந்த அழகிய கோவிலும், சுற்றுப்புறமும் அமைதியாகவும், தெய்வீகமாகவும் இருக்கின்றன. என் தந்தையின் அஸ்தி கரைக்கப்பட்ட பாபநாசினி கரையில் நின்றபோது, அவரைப்பற்றிய பாச நினைவுகளும், நாங்கள் ஒன்றாக இருந்த நினைவுகளும் வந்தன” என்று கூறியுள்ளார்.   #RahulGandhi #OffersPrayer #Wayanad

திருவனந்தபுரம்:

கேரளாவில் பாராளுமன்ற தேர்தலில் கம்யூனிஸ்டு கூட்டணிக்கும், காங்கிரஸ் கூட்டணிக்கும் கடும் போட்டி நிலவுகிறது.

கேரளாவில் உள்ள 20 எம்.பி. தொகுதிகளையும் காங்கிரஸ் கைப்பற்றும் எண்ணத்துடன் வியூகம் அமைக்கப்பட்டுள்ளது. அதன்படி காங்கிரஸ் கட்சியின் அகில இந்திய தலைவர் ராகுல்காந்தி கேரளாவில் உள்ள வயநாடு தொகுதியில் போட்டியிடுகிறார். இது கேரள காங்கிரசாரிடம் பெரும் உற்சாகத்தை ஏற்படுத்தி உள்ளது.

வயநாடு தொகுதியில் இந்திய கம்யூனிஸ்டு கட்சி சார்பில் சுனிர், பா.ஜனதா கூட்டணி சார்பில் பாரத் தர்ம ஜனசேனா கட்சி தலைவர் துஷார் வெள்ளாப் பள்ளி ஆகியோர் போட்டியிடுகிறார்கள்.

கேரளாவில் வயநாடு தொகுதியில் தான் அதிகபட்சமாக 20 வேட்பாளர்கள் களத்தில் உள்ளனர். வயநாடு தொகுதி காங்கிரஸ் கட்சியின் கோட்டையாக கருதப்படுவதால் இங்கு ராகுல் வெற்றி பெறுவது எளிது என்று அந்த கட்சியினர் நம்பிக்கையுடன் உள்ளனர்.

அதே சமயம் வயநாடு தொகுதியில் ராகுலை தோற்கடித்து தங்கள் கட்சி வேட்பாளரை வெற்றி பெற செய்ய வேண்டும் என்பதில் ஆளும் கம்யூனிஸ்டு கட்சி தீவிரமாக உள்ளது.

இதற்காக கம்யூனிஸ்டு கட்சி வேட்பாளர் சுனிரை ஆதரித்து முதல்-மந்திரி பினராயி விஜயன் வயநாடு தொகுதி கல்பட்டாவில் நடைபெற்ற பொதுக்கூட்டத்தில் பிரசாரம் செய்தார். அப்போது அவர் பேசியதாவது:-

மத்தியில் ஆளும் பா.ஜனதா அரசு கேரள மாநிலத்திற்கு எந்த திட்டத்தையும் செயல்படுத்தவில்லை. ஆனால் பாராளுமன்ற தேர்தலையொட்டி மக்களை திசை திருப்பி, அவர்களை ஏமாற்றி ஓட்டுகளை பெற அவர்கள் பொய் பிரசாரம் செய்து வருகிறார்கள்.

2014-ம் ஆண்டு தேர்தல் அறிக்கையில் கூறியதை பா.ஜனதா ஏன் நிறைவேற்றவில்லை? தற்போது மீண்டும் தாங்கள் செயல்படுத்த போகும் திட்டங்களை கூறி ஓட்டு கேட்கிறார்கள்.

சொன்னதை கூறி அவர்களால் ஓட்டு கேட்க முடியவில்லை. அதனால் பா.ஜனதா இதுபோன்ற கபட நாடகம் நடத்தி வெற்றி பெறலாம் என்று நினைக்கிறார்கள். ஆனால் வயநாடு தொகுதி மட்டுமல்ல கேரளாவில் உள்ள 20 பாராளுமன்ற தொகுதியிலும் கம்யூனிஸ்டு கூட்டணி தான் வெற்றி பெறும். மக்கள் கம்யூனிஸ்டு கட்சி பக்கம் தான் உள்ளனர்.

இவ்வாறு அவர் பேசினார்.  #LokSabhaElections2019 #PinarayiVijayan

வயநாடு:

கேரள மாநிலம் வயநாடு தொகுதியிலும் காங்கிரஸ் தலைவர் ராகுல் காந்தி போட்டியிடுகிறார். 23-ந் தேதி, அங்கு வாக்குப்பதிவு நடக்கிறது. இந்நிலையில், அந்த தொகுதிக்கு உட்பட்ட முண்டக்கை நகரில் மாவோயிஸ்டுகள் ஒட்டிய சுவரொட்டிகள் மற்றும் பேனர்கள் நேற்று காணப்பட்டன.

அதில், தேர்தலை புறக்கணிக்குமாறு முண்டக்கையில் உள்ள விவசாயிகள் மற்றும் தோட்ட தொழிலாளர்களுக்கு எச்சரிக்கை விடுக்கும் வாசகங்கள் இடம்பெற்று இருந்தன. இதையடுத்து, அங்கு போலீஸ் பாதுகாப்பு அதிகரிக்கப்பட்டுள்ளது. கூடுதலாக துணை ராணுவப்படைகள் வரவழைக்கப்பட்டன. நிலைமையை கண்காணித்து வருவதாகவும், விசாரணையை தொடங்கி உள்ளதாகவும் மாவட்ட போலீஸ் சூப்பிரண்டு கருப்பசாமி தெரிவித்தார்.

கடந்த மாதம் 6-ந் தேதி, மாவோயிஸ்டு தலைவர் ஜலீல், துப்பாக்கி சண்டையில் கொல்லப்பட்டதில் இருந்தே வயநாட்டில் போலீசார் உஷார்நிலையில் இருந்து வருகிறார்கள். #LokSabhaElection #Maoist #BoycottElection 

புதுடெல்லி:

காங்கிரஸ் தலைவர் ராகுல் அமேதி தவிர கேரளாவின் வடக்கு பகுதியில் உள்ள வயநாடு தொகுதியிலும் போட்டியிடுகிறார்.

இது பலத்த விமர்சனத்தை ஏற்படுத்தி உள்ளது.

அமேதி தொகுதியில் தோல்வி ஏற்படும் என்ற பயம் காரணமாக ராகுல் வயநாடுக்கு ஓடி இருப்பதாக கட்சி தலைவர்கள் கூறி வருகிறார்கள். பிரதமர் மோடியும் இது தொடர்பாக வார்தாவில் நடந்த பொதுக்கூட்டத்தில் பேசும்போது குறிப்பிட்டார்.

அவர் கூறுகையில், “வயநாடு தொகுதியில் சிறுபான்மை இன மக்கள் மிக, மிக அதிகமாக உள்ளனர். அவர்களை நம்பித்தான், அவர்களது ஓட்டுக்களை நம்பித்தான் ராகுல் வயநாடு தொகுதிக்கு சென்றுள்ளார்” என்றார்.

பிரதமர் மோடி கடந்த 1-ந்தேதி இந்த கருத்தை வெளியிட்டிருந்தார். இது தேர்தல் நடத்தை விதிகளை மீறிய பேச்சு என்ற குற்றச்சாட்டு எழுந்துள்ளது.
சாதி, மதத்தை குறிப்பிட்டு யாரும் தேர்தல் பிரசாரம் செய்யக் கூடாது என்பது முக்கிய விதிகளில் ஒன்றாகும். இந்த நடத்தை விதியை பிரதமர் மோடி திட்டமிட்டு மீறி பிரசாரம் செய்ததாக புகார்கள் எழுந்துள்ளது.

இது தொடர்பாக காங்கிரஸ் கட்சியும் புகார் அளித்துள்ளது. காங்கிரஸ் தலைவர் அபிஷேக் மனு சிங்வியும் உறுதிப்படுத்தினார்.

பிரதமர் மோடி 1-ந்தேதி வார்தா பொதுக்கூட்டத்தில் பேசும்போது, “இந்துக்களை காங்கிரஸ் கட்சி அவமதிக்கிறது. இந்து பயங்கரவாதம் என்று சொல்லப்படுவதை ஏற்க இயலாது” என்றும் பேசி இருந்தார்.

மோடியின் இந்த பேச்சையும் குறிப்பிட்டு காங்கிரஸ் சார்பில் புகார் அளிக்கப்பட்டது. இதைத் தொடர்ந்து பிரதமர் மோடியின் மதம் சார்ந்த தேர்தல் பிரசாரத்துக்கு விளக்கம் கேட்டு நோட்டீசு அனுப்ப தலைமை தேர்தல் ஆணையம் முடிவு செய்துள்ளது.

பிரதமர் மோடிக்கும், மராட்டிய மாநில தேர்தல் அதிகாரிக்கும் இது தொடர்பாக நோட்டீசு அனுப்பப்படும் என்று தெரிகிறது. #LokSabhaElections2019 #PMModi #EC #RahulGandhi #Congress

கொழிஞ்சாம்பாறை:

கேரள மாநிலம் வயநாடு மாவட்டம் தொழுவண்ணா பகுதியை சேர்ந்தவர் சுரேஷ். இவரது மனைவி கமலம். ஆதிவாசிகளான இவர்களது மகள் தன்யாஸ்ரீ (வயது 26). கரையான் அரித்த ஓலை கூரை வீட்டில் வசித்தபோதும் தன்யாஸ்ரீக்கு கலெக்டர் ஆகவேண்டும் என்று தீராத தாகம் இருந்தது. கல்வியை நன்கு கற்றுவந்தார். மகளின் ஆர்வத்துக்கு பெற்றோர் உறுதுணையாக இருந்தனர்.

சிவில் சர்வீஸ் தேர்வு எழுத டெல்லி செல்ல வேண்டும். ஆனால் டெல்லி செல்ல பணம் இல்லை. தன்யாஸ்ரீயின் பெற்றோர் அக்கம் பக்கம் மற்றும் உறவினர்களிடம் கடன் வாங்கி டெல்லிக்கு அனுப்பி வைத்தனர்.

தேர்வு எழுதி விட்டு வந்த பின்னர் கூலிவேலை செய்து வந்தார் தன்யாஸ்ரீ. சமீபத்தில் மின்சாரம் தாக்கி தன்யாஸ்ரீ தூக்கி வீசப்பட்டார். இதில் அவரது இடது கை எலும்பு முறிந்தது.

இந்தநிலையில் சிவில் சர்வீல் தேர்வு முடிவு வெளியானது. இதில் தன்யாஸ்ரீ 410 ரேங்க் பெற்று வெற்றி பெற்றார். வயநாடு பகுதியில் ஆதிவாசி பெண் கலெக்டர் ஆவது இதுவே முதல்முறை. இதனால் ஆதிவாசி மக்கள் தன்யாஸ்ரீயின் வெற்றியை கொண்டாடி வருகிறார்கள். #AdivasiStudent #Wayanad